Mediat polake e kanë bërë si të kryer punën, sa i përket transferimit të Robert Lewandowskit në Barcelonë.

Edhe mediat spanjolle sot e përforcuan këtë bindje, duke shkruar se sulmuesi polak ka arritur marrëveshje për një kontratë trivjeçare me gjigantin katalunas.

Mirëpo, drejtuesit e Bayern Munichut janë të qetë sa i përket së ardhmes së lojtarit më të mirë në botë në dy vjetët e fundit, i shpallur nga FIFA.

Oliver Kahn, zyrtar i klubit, thotë se gjiganti bavarez ka gjithçka nën kontroll sa i përket Lewandowskit, i cili ka kontratë me klubin deri në vitin 2023.

“Nuk jam as minimalisht i preokupuar për situata të tilla, madje, jam mjaft i relaksuar. Zërat që vijnë nga jashtë nuk na vënë asnjë herë nën presion”, deklaroi legjenda e futbollit gjerman për “Munchner Merkur”.

Edhe mediumi tjetër gjerman, “Bild” i ka përgënjeshtruar zërat për një marrëveshje eventuale të ish-futbollistit të Borussia Dortmundit me “Blaugrana”. /GE/